في مقولة تقول
You can choose your friends, but not your family.
You can choose your friends, but not your family.
ليما الله يبليك بناس ما اييك منهم الا المغثة والبلاوي
شلك فيهم؟
ابي افهم
نقعد نتواصل معاهم و
كل ما تروح لهم يسمعونك كلمتين تعل قلبك اسابيع واشهر
والمشكلة ان في ناس ما يتعلمون ولايتوبون لو يعاشرونهم سنيييييييين
مثل اللي يطقك طراق وتعطيه خدك الثاني
والعذر المعتاد
صلة رحم واحنا نبي الاجر
يبه الاجر موجود بكل مكان
الاجر اللي اييني منهم مابيييييييييييييييييه
ليما احد يغلط على اهلك تقوم الدنيا وما تقعدها
بس ليما اهلك يرضون بالغلط على عمرهم شتسوي؟
والله تحترق اعصابي من البرود اللي اهما فيه
عبالهم ان بيطلعون الناس بالشينة وبيكشفونهم
بس اهما غلطانين
يبا خلاص ما بيهم
تقعد سنين ناسيهم
بس ليما تصير مواجب وجدام الناس
لازم توجبهم ما يصير
شنو انتي مقطوعة من شيرة؟
وين اهلج؟
ايي حبيبتي الناس اذا شافو علاقة الوحده مقطوعة بأهلها اكيد يقولون فيها علة
مو الاهل الغلطانين لا اهي الغلطانة
اشوفهم مشالله ما ضرهم
راحو وردو وتزوجو وتخرجو واشتغلو وعييلو
ومحد درا عنهم
ليش رادة علينا؟
يبه محد بالدنيا ما عنده مشاكل
وكل من عارف الجدر وغطاه
ليش اظل طول عمري ارقع واتحمل الاذية؟
رضا الناس غاية لا تدرك عيل ليش نحاول؟
اذا ما يو قالو ما عزمو اهلهم
واذا يو يقولون اكيد في شي بينهم
ليش عيل اتحمل هالنفاق؟
الواحد الزم ما عليه راحة باله
يكف خيره شره عن الناس وعساااااااه يسلم
شلي فيهم؟
لي متى بظل على هالحال؟
يعني اوكي انا مرة والمفروض اقرر
بس ليما تيي اوامر من السلطات العليا ان هالناس راح يظلون شوكة ببلعومي
الى ابد الآبدين
شذنبي؟
متى نتعلم سياسة الابواب المغلقة ونشتري راحة بالنا؟
10 التعليقات:
السلام..
اول شي ريلاكس ترا مايسوى تغثين عمرج ع اي احد..
مع اهلنا وطيبتهم اللي بتضيعهم مشكله نتبع هالسياسه ..
انا من شفت ديده الله يرحمها وشلون تعامل الناس وشلون يغثونها وشكثر تعبت منهم (ماجوره ان شاءالله) قلت ماكو احد يستاهل او بالاحرى مو اي احد ..
وانا اعدها انسانه خارقه بنفس الوقت ظلمت نفسها اوكي اجامل اعبر بس مو ع حساب نفسي وصحتي..
ومهما سوينا بيقلبونا السالفه علينا ولا راح يبن بعينهم فخلاص بايباي ابدي مع علي راحة بالي ..
ومرسو..
وعليكم السلام هلا رورو
سوري توني قريت البوست مرة ثانية وحسيت شكثر كنت معصبة
الله يرحمها يدتج ويغمد روحها الجنة انشالله
انا ماني محترة من هالناس ما هموني
بس احتر من اهلي اللي ليلحين محسبين لهم حساب
وصاجة طيبتهم مضيعتهم
والناس ما يبين بعينها لهم بالظاهر بس
مشكورة حبيبتي
يامعوده ,, شوفي راحة بالج وين و روحي !
لي متى الواحد يتحمل الغلط و المغثه علشان والله يقولون فلاان أو فلانه عنده صلة رحم
صدقيني بكل الحالات ماراح تسلمين من الحجي !
سواء من الأهل أو من الناس !!
يعني الواحد صار بين نارين ! و إبتلش بعمره !
و
الأحسن ,, إنه الواحد يسوي اللي يشوفه مناسب له و يغض النظر عن نتائج تصرفه ! لأن بكل الحالات النتيجه وحده !
كل عام وانتي بخير
نصيحة سمعي من اذن وطلعي من الاذن الثانية!!
Join the club honey!
اشتري راحت بالج ..انت اهم
هناك من الناس من يتلذذ بالألم ، و يعشق أن يُعيّش نفسه دور الضحية دائماً :)
ربما من تقصدينه هو من ذلك النوع .
أخيرا علقت :)
أنا أتبع سياسة الأبواب المغلقة وبصريح العبارة
الأقارب غالبا عقارب إلا من رحم ربي!
سبب من اسباب دمار هالديرة :
هي اتباع هذه السياسة فالمواطن الى يشتكي يلقي الباب بويه .
والموظف الى يبي يقدم انجاز يحصل الباب مقفل بويه .
المسؤول الى يوضح المعلومات للوزير الفلان يلقي الباب بويه .
فهذي السياسة تاتي في المقام الثاني بعد سياسة فيتامين ( واو ) يعني الواسطة .
Win them over and they will change
صح لسانك سوي الواجب الشرعي لله و إرضاءا له لأن صلة الرحم معلقه بالعرش لا تكدين عمرك و ما عليك من الكلام لأن فيه ناس يعدون روحهم سنعين و ما شموا ريحة السنع و شاطرين بالإنتقاد و ما يشوفون رقعهم ولين طحتي ما تلقينهم عندك المهم صورتهم جدام الناس حتى عملهم هذا ما فيه أجر لأنه مو لله
عموما الناس كل واحد ينافق الثاني ما كو محبه من القلب الخالصه !
الخلاصه شغل خبال في خبال و إنتي غلط حتى لو كنتي صح و الشمس ماتغطي بمنخل إتجهي لله بشكواك و الله يكافيك شر عداك! و الآيه اللي حطيتيها واضحه!
صج ليقالوا الجمل ما يشوف حدبته
و الأقارب كالعقارب
I disagree with win them over and they will change as change comes only if you WANT to change the problem with these people is that they see themselves right all the time despite their lack of manners and modest behaviour.
إرسال تعليق