الخميس، 31 ديسمبر، 2009

كل عام وانتو بخير


الجمعة، 25 ديسمبر، 2009

احلا ما بالبطالة


انك تسافر والناس مداومة

الأربعاء، 23 ديسمبر، 2009

قطوها براسي




الاثنين، 21 ديسمبر، 2009

Barcelona vs. Ka'6ma طلعت مقلب

لاني راعية مباريات ولا هم يحزنون
بس من تخرجت واختي خذت على عاتقها
انها "تثقفني رياضيا"
من فترة واهي تحن تبي تروح مباراة برشلونة بأبو ظبي مع فريق..
مممممم..
شسمه؟
الارجنتيني ما غيره
وما حصلت فرصة ان نروح
فقررت ان نروح مباراتهم مع كاظمة
وyes سمعتوني عدل
قلت "نروح"
لأني عبد مأمور
ما اقدر اقول لأ للسلطات العليا تجاه مسئولياتي لجعدة البيت :/
واحنا بالطريج قالتلي ان ميسي ماراح يلعب اليوم لأن سافر
من قالتلي هالكلام وانا قلبي ناغزني
وانا قلبي اذا نغزني فأكيد السالفة فيها إن
المهم هذي اول مرة ادش ملعب واحضر مباراة
كنت اتمنى اني احس باالحماس اللي اشوفه على الناس
ولا افهمه
ولازلت ما افهمه!!
بالبداية كان في اوبريت
بعدين جراقيات عجييييبة
من كبرها بعض المرات احس جنها بتطيح على راسي
دشو اللاعبين والناس استانسو وصفقو وصوروهم
فجأة يقعدون ابراهيمو وربعه ويقومون الاحتياط!!
اثاري اللعب بس حق الاحتياط لكل فريق !!
يخرب بيتكم الناس ياية عشان تجابل الاحتياط؟
وبدت المباراة وما حسينا فيها لأن ما في حتى معلق !!
ما عجبني الوضع وقلت حق اختي خل نمشي
واختي لا يأس مع الحياة ولا حياة مع اليأس p:
ماني طالعة الا ليما ابرا يلعب
واللعب اشكره يا كاظمة اخذو الكرة
انا اللي ما اعرف بالكرة نقدت عليهم
حتى باللعب فيه مجاملات؟!!
كان الوضع جدا ممل
بس اللي استفدت منه اني تعلمت اخييييييرا
على ال BB
مصائب قوم عند قوم فوائدووو
يوم رفعت عيني من ال BB
ولا اشوف اختي حدها منقهرة
متى يطلع ابرا؟؟
جان اقولها LOOK AT THE BRIGHT SIDE
شفتي هالناس كللللللللللللللللللللللهم
ترا كلهم كلو المقلب نفسج P:
وتضحك
بعدين اشرتلها
شفتي سطرة ال vip اللي يمنا؟
قالت ايي؟
قلتها ترا هذيلا دافعين 150 دينار على هالمباراة اللي ما تسوى
عاد هني غشت من الضحك xD
صج اللي يشوف مشكلة غيره تهون عليه مشكلته
رحت عند منظمين المباراة سألتهم ليش ما يلعبون الابطال؟
ردت هاا والله احنا طلعنا الاحتياط اول عشان ما تخلص المباراة بسرعة
ومتى راح يطلع ابرا؟؟
يمكن يمكن الشوط الثاني يبدلونهم
انزين آآمنا بالله
دشيت داخل وطمنت هالفقيرة المسكينة اللي تنطر ابرا
قلنا نصبر ونشوف
خلص الشوط الاول
بدا الثاني
وليلحين احتياط!
دخلو واحد اثنين
و NOOOO IBRAAAA
ابرا بويول بي كي بيدرو واللاعبين السنعين
قاعدين حاطين ريل على ريل يتطمشون
حتى من اول ما دشو ونفسهم شييييييينة
ايي وانا اكتب هالبوست قولو البرشا
وقول سخيف وبدون معلق ماله طعم
بعدين ليما عرفنا انهم ماراح يطلعون اللاعبين الزينين
شلنا قشنا ومشينا
طلعت برا اسأل شرطي عن المسئول بكلمه
قالو المسئول النادي ما تقدرين تكلمينهم الحين
قلتله اللي صار
شحقه يايبينهم اذا ماراح يلعبون؟
جان يقول شتحجين عنه؟
هذيلا يلعبون بالملاييين من وين لنا نلعبهم؟؟
اثاري هذي السالفة
ايبونهم يصورونهم ويقصون على الناس عشان ايوون المباراة
وبالاخير يحطون ريل على ريل ما يلعبون
الله واكبر
واحنا بره ومستمرين بمسلسل التحلطم
قولو كاظمة
عاد الحين يرفعونهم لي السمااا
كااااااظمة اللي قولو على برشااااا
هيييييييييييييييييييييي
جنا هنود ما نفهم الغمندة
المهم طلعنا والحمدلله انحشنا من الزحمة
وردينا واحنا مكسوري الخاطر مجروحي الفؤاد
متحسفين على مباراة ابو ظبي
وعرفنا السبب وراء كل هذي الاحداث المخيبة للآمال:
حوبة اخوي اللي ماكان راضي نروح :"(

السبت، 19 ديسمبر، 2009

احد يفهمني بلييييز !!!!


صبحت اليوم على هالخبر


شنو يعني هالكلام؟
هالتعميم يشمل الناس اللي قدمو وناطرين النتايج

والا اللي بيقدمون المرة الياية؟؟؟





الأربعاء، 16 ديسمبر، 2009

دولة الرئيس يعتلي المنصة

الجمعة، 4 ديسمبر، 2009

تكفيكم ابتسامتي






الخميس، 26 نوفمبر، 2009

عيدكم مبارك


وتقبل الله طاعاتكم

السبت، 21 نوفمبر، 2009

هانت


هانت هانت

قلبي حاس

انها هانت

كلها هاليومين
ما اقدر اتحمل اكثر من يومين
مابي اتعشم وايد

مع ان عندي مليون سؤال ابي اسأله

بس مابي افكر اكثر

مابي اشد اعصابي

بعدين انقط على صخر
ويضيع كل التعب
يا رب
يا رب

الأربعاء، 11 نوفمبر، 2009

صباح الاستيعاب


جريدة الرياض:
الشيخ المهيزع: جامعة الملك عبدالله مشروع حضاري والاختلاط إذا لم يكن خلوة ليس بحرام

http://www.alriyadh.com/2009/11/11/article473442.html

اقتباس:
وقال الشيخ المهيزع بأن جمعاً من أهل العلم تكلموا عن هذه المسألة وأجازوا منها ما كان محل التحفظ والحشمة والبعد عن ارتياد أماكن الريبة وفي هذا يقول الإمام النووي رحمه الله: «والاختلاط بين النساء والرجال إذا لم يكن خلوة فليس بحرام»



التعليق:
صباح الخييييير
وين كنتو قبل نايمين بالعسل؟
ولا يوم اقر ملك السعودية جامعة الملك عبدالله تذكرتو قول الامام النووي؟
عقب هالعمر اللي قاصين علينا حرام وحرام
يطلعلنا واحد ويقول Ooops يا جماعة ترا طلع حلال


عطى ربعنا احلا صادووه شفته بحياتي


يالله عيل خل يسوون جامعة الشدادية مختلطة ونوفر على الدولة بيزتين


قال تعالي: ((أَرَأَيْتَ مَنِ اتَّخَذَ إِلَهَهُ هَوَاهُ أَفَأَنْتَ تَكُونُ عَلَيْهِ وَكِيلاً))
وفي تفسير ابن كثير: ((أرأيت مَنْ اتخذ إلهه هواه أي بما استحسن من شيء ورآه حسنا في هوى نفسه كان دينه ومذهبه كما قال تعالى أفمَنْ زين له سوء عمله فرآه حسنا فإن الله يضل مَنْ يشاء الآية))([7]

الثلاثاء، 10 نوفمبر، 2009

فضفضة


ترشيحات الديوان ظييييييييم

دفعتنا اغلبها قاطينها تربية وصحة

وكل الاماكن الزينة ما تاخذ عن طريق ديوان الخدمة

فألحين حطيت لستة بالاماكن اللي ابيها

وحاولت احط اولويات

فرسيت على جهتين محتلين #1

لازم افاضل بينهم عشان اعرف اختار

Option 1 :

KPC او KNPC

الاحتمال الاكبر ان يكون بالاحمدي

الزين فيه ان معاشات ومميزات وايد زينة

غير التغطية الصحية والمستشفيات للعاملين وعائلاتهم

وفي بعثات للدراسة لأبناء العاملين والاولوية بالتوظيف بالمستقبل

عيوبه: مكان بعيد ودوام طويل



Option 2 :

ديوان المحاسبة

مكان زين وقريب

واحسن مكان لتخصصي

معاش قوي ودوام اقصر

العيب: ياخذ 6 اشهر على ما يطلع القبول



الاثنين زينين

بس كل يوم اقول ابي واحد بعدين اهون

يعني مميزات البترول وايد زينة خصوصا التغطية الصحية

بس المكان والدوام يتعب

مع ان قريب يعلنون نتايج القبول

واذا اخترت ديوان المحاسبة اضطر انطر 6 اشهر

قبل كنت اقول انا مستعيلة على الوظيفة

بس الحين صج احترت

لأني ما احب اختار شي بعدين اتحسف وادور غيره

احب اذا اخترت شي استمر فيه
الاختيار هالمرة صعب..

الأربعاء، 4 نوفمبر، 2009

كومبارس الامس ابطال اليوم

فزورة اليوم:
@ 6:07
من هي طروب ذات الرداء الاصفر ؟



الأحد، 1 نوفمبر، 2009

Someone just called



Caller: Hello, Is this C'est La Vie?

C'est La Vie: Hmm.. Yes..

Caller: Yeah, I called to inform you about your interview appointment

C'est La Vie: Wow thanks



After ending the call
C'est La Vie is jumping for joy

HeeeeeeeeeeYaaaaaaa

الجمعة، 30 أكتوبر، 2009

Everything's on Hold


Waiting for THE Call

الاثنين، 26 أكتوبر، 2009

يا رب


يااا رب وفقني وسهل اموري

الجمعة، 23 أكتوبر، 2009

Current Status


Job Hunting

Checking newspapers first thing in the morning

Discussing what's found with the family

Trying to avoid private sector

Projecting the pros and cons of every offer

Taking in mind:

Location

Work hours

Features

Salary and bonuses

Vacations

Then, after agreeing to one

Send the application through the website

Or diretcly to the HR department

Civil Service Commision cannot be relied on

Even though the results will be announced this week

But no one knows where they might end up

So tracking Goverment agencies Ads in the newspaper is better

Some may take a while

Others may call in just a week!

One sent a messege

Saying tomorrow there will be exams

One for the major and the other english

And when did C'est La Vie check that messege?

Late in the evening :/

Next time I should check my phone more regularly

Next morning went to do the exam

The major exam was a little easy

but the hard thing was the different terms from what we studied in the University

But it's all the same

The english exam was easy

Even though it was too long

Focusing mainly on grammer

The results will be ready immediatly after the exam

But they will not tell

So expect a call in 7-10 days if accepted

And told of the interview appointment

If the call was not made by then,

You're rejected

And they don't tell you that,too!

Finished the exams and went home

To find out that I got another exam in another entity

Next week

*YaY*

Wish me luck

الخميس، 15 أكتوبر، 2009

انظر الى ما قيل لا من قال !

طلعلنا تصريح عواشة الرشيد بالوقت الضائع
ردا على المسباح بحكم النقاب بالاسلام
فصارت ردود افعال مختلفة على الموضوع
اغلبها الزبدة منه "طاع من يتكلم"
فراودني سؤال:
اهي ما يابت شي يديد من عندها
وكلامها فيه احتمال من الصحة
بس ليش الناس ما تناقش الكلام اللي انقال؟
عموما مو عن موضوعها بس
متى نطبق مقولة "انظر الى ما قيل لا من قال" ؟
ليش صرنا نحب تصنيف الناس بين الزين والشين؟
والزين ما يطلع منه الا الزين والشين ما يطلع منه الا الشين؟
حتى لو صار العكس؟
هل هذا يرتبط بحجم الخطأ اللي ارتكبه الانسان؟
يعني في اخطاء ممكن نتغاضى عنها وتخلينا نسمع كلام الانسان حتى لو غلط؟
وفي اخطاء تخلينا ما نسمع كلام الشخص مهما قال ونحط عليه X حتى لو كان صح؟
ولا هل هالشي يرتبط بالتعليم والتخصص؟
واذا كان هالشي صحيح
هل نستقصي آراء الشخص المو متعلم؟
حتى لو كان ممكن ايي منه رأي صائب؟

الاثنين، 12 أكتوبر، 2009

زيارتي لمعرض الهرم الرابع

اليوم اول مرة اروح 360
وصدفة لقيت معرض ام كلثوم
عبالي خلص بس اشوه لحقت عليه
معرض واايد حلو وراقي
فيه صور وفيديو ومجسمات لوحات وموسيقى
يلامس كل الحواس





بحفلاتها



عرض فيديو لحفلة
والكراسي مكتوب عليهم كلمات اغنية هذه ليلتي
اغنيتي المفضلة لها
افلامها



شحلوها صايرة هني








مع عبدالحليم حافظ


فيروز

جمال عبدالناصر



لوحات عنها





اوسمة تكريم من الدولة



نفانيفها
اغلبها صنع مصري 100%

المنديل الاحمر
والجنطة الجوتي -وانتو بكرامة- جوتشي


والحين اخليكم مع الفن الاصيل



الأحد، 11 أكتوبر، 2009

يا شماتة ابلة زازا فيك



ترددت أنباء صحافية عن قيام السلطات المصرية بمنع النائب د.وليد الطبطبائي من دخول مصر ووضع اسمه على قائمة الممنوعين في مطار القاهرة.




اسمحولي ماني قادرة اعبر

الجمعة، 9 أكتوبر، 2009

لالالا عن جد؟

وضع حجر الأساس لمركز ومستشفى سالم العلي للإبل في

الجهراء بمساحة إجمالية 19200 متر مربع

http://www.alanba.com.kw/AbsoluteNMNEW/templates/?a=69952&z=14

على قولة عبدالناصر درويش:

"احنا شفينا؟ ما يبونا؟ ايي لييييش؟"

الأربعاء، 7 أكتوبر، 2009

Good Reads

If you're a "Book Addict" like myself, then you'll love this website
After subscribing you will be able to:
  • add the books you read/are reading/will read to your bookshelves
  • track your progress
  • rate, add reviews and recommendations on each book
  • search for books (english and arabic)
  • create/join book clubs and discussion groups
  • find friends with same interests
  • participate in different polls
  • and add a bookshelve to your blog like I did here
  • many more..
Check it out

الاثنين، 21 سبتمبر، 2009

سياسة الابواب المغلقة



في مقولة تقول
You can choose your friends, but not your family.



ليما الله يبليك بناس ما اييك منهم الا المغثة والبلاوي

شلك فيهم؟

ابي افهم

نقعد نتواصل معاهم و

كل ما تروح لهم يسمعونك كلمتين تعل قلبك اسابيع واشهر

والمشكلة ان في ناس ما يتعلمون ولايتوبون لو يعاشرونهم سنيييييييين

مثل اللي يطقك طراق وتعطيه خدك الثاني

والعذر المعتاد

صلة رحم واحنا نبي الاجر

يبه الاجر موجود بكل مكان

الاجر اللي اييني منهم مابيييييييييييييييييه



ليما احد يغلط على اهلك تقوم الدنيا وما تقعدها

بس ليما اهلك يرضون بالغلط على عمرهم شتسوي؟

والله تحترق اعصابي من البرود اللي اهما فيه

عبالهم ان بيطلعون الناس بالشينة وبيكشفونهم

بس اهما غلطانين

يبا خلاص ما بيهم



تقعد سنين ناسيهم

بس ليما تصير مواجب وجدام الناس

لازم توجبهم ما يصير

شنو انتي مقطوعة من شيرة؟

وين اهلج؟

ايي حبيبتي الناس اذا شافو علاقة الوحده مقطوعة بأهلها اكيد يقولون فيها علة
مو الاهل الغلطانين لا اهي الغلطانة

اشوفهم مشالله ما ضرهم

راحو وردو وتزوجو وتخرجو واشتغلو وعييلو

ومحد درا عنهم

ليش رادة علينا؟



يبه محد بالدنيا ما عنده مشاكل

وكل من عارف الجدر وغطاه

ليش اظل طول عمري ارقع واتحمل الاذية؟

رضا الناس غاية لا تدرك عيل ليش نحاول؟

اذا ما يو قالو ما عزمو اهلهم

واذا يو يقولون اكيد في شي بينهم

ليش عيل اتحمل هالنفاق؟



الواحد الزم ما عليه راحة باله

يكف خيره شره عن الناس وعساااااااه يسلم

شلي فيهم؟

لي متى بظل على هالحال؟

يعني اوكي انا مرة والمفروض اقرر

بس ليما تيي اوامر من السلطات العليا ان هالناس راح يظلون شوكة ببلعومي

الى ابد الآبدين

شذنبي؟



متى نتعلم سياسة الابواب المغلقة ونشتري راحة بالنا؟

الجمعة، 18 سبتمبر، 2009

اقبل العيد - عيدكم مبارك




عساكم من عوادة

وكل عام وانتو بخير

الأربعاء، 16 سبتمبر، 2009

فلنساهم في رسم ابتسامة العيد على وجوه الاطفال


هالله هالله بالعيادي

الأحد، 6 سبتمبر، 2009

تخوف الجامعات من انفلونزا الخنازير

قالتلي اختي ان مع بداية الكورس اليديد


الجامعة راح توزع عليهم كمامات


عاد قعدت افكر شلون راح يكون شكله اذا وصل الجامعة


واختلط مع الهبات الدارجة


وتوصلت الى الآتي:



كمام شوارفسكي Pink


كمام على Hello Kitty


كمام طقم مع الجنطة LV و Channel




كمام نفس Cover el BB



وهذي بعض الفناتق اللي لقيتها





هذا حق اللي مسوي ريجيم ويبي "يسكر حلجه"








سارعوا فالكمية محدودة

الأحد، 30 أغسطس، 2009

دبي بالبر بالجو بالبحر



قررنا نقضي الويك اند بدبي دار الحي
قعدنا بفندق Grand Hyatt

هني اللوبي


وهني منظر المطعم من تحت





سمجة قاعدة تسبح







حلاو شكله يونس





اللي بالنص اسمها Dragon fruit


اييبونها من شرق آسيا




ومن داخل شكلها نفس الكيوي بس ابيض







Chocolate Fountain




Yummy Yummy

اول يوم قضيته بمكتبتي المفضلة
وبقسمي المفضل

ردينا الفندق وريحنا
وثاني يوم طلعنا كان عندنا مشوار
بدخلة الفندق فيه شلال






وصلنا منتجع جبل علي للغولف





وقعنا اوراق وشرينا سوفنير






وصلونا بسيارة الغولف




يالله باسم الله تشهدو يا جماعة



تدرون شنو الاوراق اللي وقعناها توه؟


اوراق اخلاء ذمة للشركة اذا طاحت فينا الطيارة p:



لا تنسون تربطون الحزام


مينا دبي


شوارعهم تفر الراس



كل فندق له شاطئ خاص


برج دبي


شارع الشيخ زايد



امارات مول


جميرة



The World



قربنا من The Palm





Atlantis

قعدت اشوف هالارض الخالية وافكر


عقب 5 سنين شنو راح يكون هني؟


ردينا منتجع جبل علي


هني ملعب الغولف


قربنا تمسكو عدل

شششششششششش



حمدلله على السلامة



انتهت رحلتنا الجوية




رحنا امارات مول


ومرينا على محل السجاد الايراني


الاضاءة والالوان تينن




صج فن

وشفت ستكر السيارة هذا يضحك



الحين تبدي رحلتنا البحرية
حياكم




هذا البوفيه


وحاطين اغاني اماراتية عشان يعيشون الجو




Appetizers


مشينا




صعدنا فوق


قعدة تراثية



بطريجنا اذن اللعشا


انعكاس الاضاءة على الماي وااااو


هذا الجرسون


و Ramadan Kareem