الاثنين، 21 ديسمبر 2009

Barcelona vs. Ka'6ma طلعت مقلب

لاني راعية مباريات ولا هم يحزنون
بس من تخرجت واختي خذت على عاتقها
انها "تثقفني رياضيا"
من فترة واهي تحن تبي تروح مباراة برشلونة بأبو ظبي مع فريق..
مممممم..
شسمه؟
الارجنتيني ما غيره
وما حصلت فرصة ان نروح
فقررت ان نروح مباراتهم مع كاظمة
وyes سمعتوني عدل
قلت "نروح"
لأني عبد مأمور
ما اقدر اقول لأ للسلطات العليا تجاه مسئولياتي لجعدة البيت :/
واحنا بالطريج قالتلي ان ميسي ماراح يلعب اليوم لأن سافر
من قالتلي هالكلام وانا قلبي ناغزني
وانا قلبي اذا نغزني فأكيد السالفة فيها إن
المهم هذي اول مرة ادش ملعب واحضر مباراة
كنت اتمنى اني احس باالحماس اللي اشوفه على الناس
ولا افهمه
ولازلت ما افهمه!!
بالبداية كان في اوبريت
بعدين جراقيات عجييييبة
من كبرها بعض المرات احس جنها بتطيح على راسي
دشو اللاعبين والناس استانسو وصفقو وصوروهم
فجأة يقعدون ابراهيمو وربعه ويقومون الاحتياط!!
اثاري اللعب بس حق الاحتياط لكل فريق !!
يخرب بيتكم الناس ياية عشان تجابل الاحتياط؟
وبدت المباراة وما حسينا فيها لأن ما في حتى معلق !!
ما عجبني الوضع وقلت حق اختي خل نمشي
واختي لا يأس مع الحياة ولا حياة مع اليأس p:
ماني طالعة الا ليما ابرا يلعب
واللعب اشكره يا كاظمة اخذو الكرة
انا اللي ما اعرف بالكرة نقدت عليهم
حتى باللعب فيه مجاملات؟!!
كان الوضع جدا ممل
بس اللي استفدت منه اني تعلمت اخييييييرا
على ال BB
مصائب قوم عند قوم فوائدووو
يوم رفعت عيني من ال BB
ولا اشوف اختي حدها منقهرة
متى يطلع ابرا؟؟
جان اقولها LOOK AT THE BRIGHT SIDE
شفتي هالناس كللللللللللللللللللللللهم
ترا كلهم كلو المقلب نفسج P:
وتضحك
بعدين اشرتلها
شفتي سطرة ال vip اللي يمنا؟
قالت ايي؟
قلتها ترا هذيلا دافعين 150 دينار على هالمباراة اللي ما تسوى
عاد هني غشت من الضحك xD
صج اللي يشوف مشكلة غيره تهون عليه مشكلته
رحت عند منظمين المباراة سألتهم ليش ما يلعبون الابطال؟
ردت هاا والله احنا طلعنا الاحتياط اول عشان ما تخلص المباراة بسرعة
ومتى راح يطلع ابرا؟؟
يمكن يمكن الشوط الثاني يبدلونهم
انزين آآمنا بالله
دشيت داخل وطمنت هالفقيرة المسكينة اللي تنطر ابرا
قلنا نصبر ونشوف
خلص الشوط الاول
بدا الثاني
وليلحين احتياط!
دخلو واحد اثنين
و NOOOO IBRAAAA
ابرا بويول بي كي بيدرو واللاعبين السنعين
قاعدين حاطين ريل على ريل يتطمشون
حتى من اول ما دشو ونفسهم شييييييينة
ايي وانا اكتب هالبوست قولو البرشا
وقول سخيف وبدون معلق ماله طعم
بعدين ليما عرفنا انهم ماراح يطلعون اللاعبين الزينين
شلنا قشنا ومشينا
طلعت برا اسأل شرطي عن المسئول بكلمه
قالو المسئول النادي ما تقدرين تكلمينهم الحين
قلتله اللي صار
شحقه يايبينهم اذا ماراح يلعبون؟
جان يقول شتحجين عنه؟
هذيلا يلعبون بالملاييين من وين لنا نلعبهم؟؟
اثاري هذي السالفة
ايبونهم يصورونهم ويقصون على الناس عشان ايوون المباراة
وبالاخير يحطون ريل على ريل ما يلعبون
الله واكبر
واحنا بره ومستمرين بمسلسل التحلطم
قولو كاظمة
عاد الحين يرفعونهم لي السمااا
كااااااظمة اللي قولو على برشااااا
هيييييييييييييييييييييي
جنا هنود ما نفهم الغمندة
المهم طلعنا والحمدلله انحشنا من الزحمة
وردينا واحنا مكسوري الخاطر مجروحي الفؤاد
متحسفين على مباراة ابو ظبي
وعرفنا السبب وراء كل هذي الاحداث المخيبة للآمال:
حوبة اخوي اللي ماكان راضي نروح :"(

9 التعليقات:

R@ngoog@h يقول...

loooooooooooooooooool
really ?? مت من الضحك !!

انا مثلج جذي مااعرف بالكرة ولا المباراة كلش ملش !!

بس اليوم ؟؟ من شفت الناس مختبه ؟؟ والشوارع تسكرت امس !!

وعلى قولة اختي امس رادين كانو من السفر والله تقول المطار ؟؟ ديسكو !!

كله ليتات وناس وعفسه يستقبلونهم !!

وانا من امس منبطه جبدي ليش مسوين لهم كل هذا ؟؟؟

واليوم لما شفت المباراة ودريت انهم مالعبو مت من الضحك !!!!

يعني هم يايبينهم بفلوسنا ؟؟ وهم مالعبو ؟؟ خووش خووش :)

وعلى القول ؟؟ اي والله صاجه اشكرررره شارين المباراة لوووول والله فشله :(

تقبلي مروري :)

جبريت يقول...

اولا اخواني ادخلو في اي بي ببلاش لانه يايتهم دعوه او تذاكر بلاش بالاحرى فما من حسوفه

اما كاظمه لا يبا والله يلعبون ويستاهلون التعادل انا اعتبره انجاز عظيم لهم

Teddy B. يقول...

إنجاز؟ أخاف دافعينلهم على شان ما نفتشل سمعت إن إدفعو تقريباً ٢ مليون دينار على شان إييبونهم أكيد فالعقد كاتبين هل شي كاشرط. إذا سج هذا لعب كاظمة عيل إحطيات برشلونة لعبهم اخوارة.

I wish there were more back flips and fancy footwork...

Teddy B. يقول...

إنجاز؟ أخاف دافعينلهم على شان ما نفتشل سمعت إن إدفعو تقريباً ٢ مليون دينار على شان إييبونهم أكيد فالعقد كاتبين هل شي كاشرط. إذا سج هذا لعب كاظمة عيل إحطيات برشلونة لعبهم اخوارة.

I wish there were more back flips and fancy footwork...

شاي الضحى يقول...

لوووووول لو قاعدين بالبيت احسن


انا شفتها بالبيت الشوط الأول حده ممل والشوط الثاني احسن منه بشوي

والافتتاح يفشل وماله داعي والاغاني سخيفه

وبالنسبه للـ VIP اغلبهم مو دافعين ولا فــلــس يايتهم التذاكر ببلاش

وشدعوه الملعب متروس بنات؟ من متى صاروا كلهم مهتمين بالكره ويشجعون برشلونه؟

الظاهر برشلونه الهبه اليديده هههههه

شكرا

شاي الضحى يقول...

لوووووول لو قاعدين بالبيت احسن


انا شفتها بالبيت الشوط الأول حده ممل والشوط الثاني احسن منه بشوي

والافتتاح يفشل وماله داعي والاغاني سخيفه

وبالنسبه للـ VIP اغلبهم مو دافعين ولا فــلــس يايتهم التذاكر ببلاش

وشدعوه الملعب متروس بنات؟ من متى صاروا كلهم مهتمين بالكره ويشجعون برشلونه؟

الظاهر برشلونه الهبه اليديده هههههه

شكرا

رورو الشخبوطه يقول...

السلام..

خخ اهما يايبونهم اول شي كالعاده تقليد للامارات مثل البرازيل قبل..

2 شي بيربحون عيل مباره ب150 مادري 120 شدعوه لا والميزه تصور مع الكاس خخخ الله يسلم الفاتشوب اقدر ارز صورتي مع كاس العالم :\

ماشفتها بس ضحكتني امي متاثره تفر وترد ولما تعادلوا يببت..

بس اللي صدمني انه ملعبين الاتحاد زين ماخليهم يلعبون مع الصور :\

وشدعوه يلعبون بالملايين خو مباراة مو احتراف ..

ومرسي..

C'est La Vie يقول...

R@ngoog@h
ايي والله هذا اللي صار
حياج الله


جبريت
توني ادري عن ال vip ببلاش !!
وبالنسبة للعب شوف عيني يكونون اثنين راكضين ورا الكرة ولاعب برشلونه يوقف ويخلي لاعب كاظمة يسبقه عشان ياخذ الكرة
تقول اختي لو بويول موجود جان ما قدرو حتى يدشون منطقة مرمى برشلونه


Teddy B.
الانجاز يكون اذا لعبو مع اللاعبين الاساسيين مو يتبارون مع الاحتياط


شاي ضحى
ايي والله لو قاعدة بالبيت احسن لي
بس حطيت X على المباريات بالكويت
الا شسالفة التذاكر ببلاش؟ لو واحد اثنين نقول زرقوهم بس اغلبهم؟َ!! شلون؟
وترا الملعب كان 3 ارباعه شباب
بس الكاميرات كانت مركزة على تصوير مكان العائلات فقط !!

C'est La Vie يقول...

رورو
صاجة لو مصورينهم فوتوشوب احسن
بس شتسوين ناس تدور ال $$ ما همها يجذبون ويقصون على العالم ويستغفلونهم