ليما نتلقى تعليمنا
نعرف ان الحياة فيها يا صح يا غلط
يا ابيض يا اسود
ما علمونا ان في منطقة رمادية تكون الصورة فيها
مشوشة
بس للأسف ليما نيي نطبق اللي تعلمناه
نلاقي ان المنطقة الرمادية تطغي على الابيض والاسود
فيلجأ كل شخص لتقدير فوائد ومضار قراراته
عل وعسى ان يختار "الافضل" و "الاحسن" منها
واحيان رغم كل هذا الانسان يقع بالخطأ
ويبدي يلوم نفسه
كان ممكن اني اسوي احسن من جذي
كان ممكن ان اتحاشا هالموضوع
لو سويت جذي وما قلت جذي
ويستمر بهالشي ليما تصير نفسيته زيرو
ويعكر عليه باجي يومه
ليش الواحد يلوم نفسه ويحاسبها بهالشكل القاسي؟
يمكن نحاسبها اذا غلطت اكثر من اذا الناس غلطو !!
ليش نرحم الناس ونخاف على مشاعرهم
وما نرحم نفسنا اللي قال عنها
الرسول -صلى الله عليه وسلم- "ان لنفسك عليك حق" ؟!!
ارحم نفسك
ترا هالطبع يتعب
وتتراكم عليك هالمواقف والهموم وتطغي على انجازاتك
وما تتذكر الا الاشياء اللي فشلت فيها حتى لو كانت بسيطة مقارنة بالانجازات
ارحم نفسك
اذا قعدت تفكر باللي صار وابتدى مسلسل اللوم
تعوذ من ابليس
والتفت على الاشياء الاهم بحياتك
الحمدلله على نعمة الصحة العافية
الحمدلله على نعمة الاهل
وغيره الكثير
وشوف انجازاتك
تذكر لحظات السعادة اللي بحياتك
حاول ترد الابتسامة على ويهك بأقرب وقت
ارحم نفسك
اول ما تحس انك بديت تفكر بهالشي
لا تقعد بروحك دور اليمعة الحلوة
اطلع غير جو وحاول تفكر بشي ثاني
شوف الدنيا ماشية
لا تعطل حياتك بالتفكير
لا توقف لا توقف
ارحم نفسك
اللي راح راح ماراح يرد
فكر شلون تتعلم من اللي صار
لا تقول كلمة "لو"
لا ينحصر تفكيرك بالماضي
عيش حاضرك شوف مستقبلك
ارحم نفسك
وتذكر ان محد ما يغلط
وبهاللوم ماراح تطلع بحل لمشكلتك
ارحم نفسك
وعدها حالها حال باجي البشر
لا تكون قاسي عليها
6 التعليقات:
لما تسوي شي و تحس تالي انك غلطت، حط في بالك إنك ما سويته إلا لأنه لازم يصير.. فالقرار -على الاقل أنا اعتبره- امتحان للحظة مو عمر
إذا عطينا كل لحظة قيمتها راح نرتاح و نقدر نرحم نفسنا، لأن في شي بالغلط اللي سوينا فيه قيمة..
اممم
علماء التربيه يقولون
ان تانيب الطفل تانيب شديد
او معاقبته قاب قاسي
تادي لانه يكون فالمستقبل
من النوع اللي دايما يأنب نفسه
ويحملها مسؤلية اخطاء
هو لم يرتكبها!
الحمد لله على كل حال ..
معاج طبعا في ارحم نفسك ..
بس ما ودي أحد يعميها بالمرة وينوم ضميره :)
تحياتي ..
نحوال ..
أقرأ الكلمات واحس جني اخاطب نفسي
فعلا .. يبيلنا ريفريش
سلمت يداك عزيزتي
يسلم بؤك :)
وصاجه والله
إرسال تعليق