قعدت الصبح ولا اتذكر ان اليوم آآخر محاضرة
تزهبت وطلعت
وهذي آآخر مرة ايي هالشارع
اليوم مافي زحمة على حظي
وهالاشارة
hello kuleety
المواقف فاضية ماكو احد
نركب الباص
الممر
آآخر محاضرة بهالكلاس
ومن داخل
محد يا ليلحين خلنروح نتمشى على ما ايوون
الممرات فاضية
هني كنت اتيمع مع رفيجاتي
ونطل على السيركل تحت
والسكوير
قسمي
حاليا حوسة لأن قاعدين يجددونه
الامتحان الاخير راح يكون هني
وييي طاع الساعة جم 10:35
لازم نروح الكلاس الحين
مكتوب Good luck with the finals
واللي بالرسمة يشبه دكتورنا
هذي آآخر مرة اقعد بكرسي جذي
يا الدكتور ووزع الميدتيرم اللي قدمناه امس
وانا اصلا ما كنت ناوية اقدمه بس الله هداني
والحمدلله يبت نتيجة زينة
هذا آآخر ميدتيرم
خلصت المحاضرة وطلعت
قلت اشتريلي شي أأزأز فيه
بعدين قعدت بGlobal
وسويت الhomework
اللي عبارة عن resume
وليما قدمته زفني الدكتور قال ليش مو طابعته؟
عطاني محاضرة باجر اذا بتقدمين على شركة بتقدمينلهم ورقة جذي؟
وانا بقلبي تكفه زين خلصنا ما سوت علي
بقت شغلة اخيرة بروح اسويها
مريت على الللابات بطريجي
بعدين رحت فضيت ال locker وال mailbox
وسلمت الامانة
هني دعمت لأول مرة بحياتي
وهذي يوم شفتها ضحكت
اهم شي ان طالبات الجامعة يطالبون
ايي ابقا قابلني اذا حسو ربعنا
ما يالي التنك الا بسبتهم
اول محاضرة لي كانت بهالكلاس
انا الوحيدة بين اخواني اللي ادرس بشويخ
فأول يوم دوام قطني ابوي بآخر P4
وطقيتها مشي من هناك لي الكلية
وعاد اول يوم وكاشخة وكعب وغير اني ما ادل
اووووه حالة كان يومها
الحين صار smart class
السيركل نظرة اخيرة
نطلع برة
والله اني احبج واني قضيت معاج احلا ايام عمري
بس سوري I have to move on
يالله عاد ما نبي دموع
خلصنا والحين بنمشي
اذكر بايام البراد الناس تمشي من الكلية لي p6
ما يركبون الباص
كان وناسة
يه يه يه يه
جامعة الكويت ترحب فيني؟
عاد توني ياية بقولها باي باااااااااااااااااااااااااي
9 التعليقات:
لو زين سويتي صوررتي ..
انا صورتهم عقب ماتخرجت بسنه :(
ومو كل شي :(
بس خوش فكره ماشاءالله..
وموفقه يارب..
mwfga enshalah b7ytech al3mleyh';D 7da a7s sh3oor 7elo;$
enshalah 3ala alfirst course next year a76 nfs ur post ';p
بالتوفيج بالحياة اليديده والدوام وعوار الراس
دشيتها كليتكم مرة وحدة إمطرشيني أصدق شهادات .. ضيعت في أروقتها وأزقتها وممراتها, من شفت الصور ذكرتيني إبذاك اليوم
:)
إن شاء الله تلاقين الوظيفة اللي تبينها, ونصيحتي إليك أن تستمري الماستر إذا لك خلق والجيمات لأن الدراسة بلا شك لم تنته بآخر محاضرة. كملي أن الأيام والذكريات الحلوة ماراح تنسي
إلى الأمام إن شاء الله
:)
متى احس بهلشعووور يارب متى
ماشالله خوش كليه ماتوقعت جامعه الكويت جذي حلوه :)
واي عورني قلبي
ذكرتيني بأيام الاحتضار الجامعي .. آخر كورس مالحقت اودعها .. وودعتها بروحي بعد مالكل تخرج :\
بس صج الصور اشوفها تخليني اتخيل المكان واهو منترس .. تخيلت وتذكرت ايام الانتخابات واللويه .. وبما ان رفيجاتي كلهم هناك فا بريكاتي كلها عندكم واي قلبي أي أي اهي اهي
فعلا احلى ايام بحياتي كلها ايام الجامعه وايام الهبل لمن كنا خدايو مستجدين لول يبين علينا .. عرفت هالشغله لمن صرت خريجه اصيدهم من كيلو جدامي
موفقه يارب بلمرحلة الثانيه من حياتج ياخيتي
والمزيد من الذكريات الحلوه ان شالله
ومشكوره عالتقرير المصور اللي داعب ذكرياتنا :)
أنا حاشني شيه اكتئاب في آخر يوم لي
وللحين ودي أمر الكلية بس أقول أي يصير خير باجر أو الي عقبه...وهذا أنا صارلي 3 شهور@@
على العموم على البركة وعقبال الوظيفة
عقبال مااسوي مثلك ="(
بس والله حماي فكرة التقرير 9ـورتي كل شي ياحليلك
يالله ان شالله تكوت حياتك العملية والعلمية جديدة :)
ويييييييييييييييييييييييييييييييييييييييييييه ذكرتيني والله
اطالع الصوور واقرا كلاامج واتذكرر
قبل اسبوع تقريباا كان اخر يوم لي بالجاامعه كنت ادرس بكيفاان؟
على كثر ماني مستاانسه اني بطلع منها وبتخررج على كثر ماتضايقت ان هذا اخر يوم لي بالجامعه
ركبت السياره مع اخوي توني مخلصه اوراق التخرج وومسلمتهم حق العماده,, كنت اشرب ميلك شيك واندمجت بالشرب لوووووووووووول لاتشوفين شكلي
فجاه يقولي اخوي انشالله ماتندمجين اكثر!! قعدت اضحك واقوله هذي اخر مره راح ايي من هالشاررع!!
واول مره يكون فاضي ومافي زحمه ..
والله الحين ملل احس ماعندي شي اسوويه مع ان احنا وظيفتنا زاهبه وموجوده بس انا مالي رغبه بهالوظيفه,,
الله يذكر يالجامعه بالخير على كثر ماتحلطمنا بسبتج وعليج على كثر مانحبج
يلا على البركه ومووفقه انشالله وعقبال الوظيفه
سوري كتبت تعبير :$
إرسال تعليق